بەژداری پێ کردنی هەواڵ لە

FacebookTwitterGoogle BookmarksRSS Feed

عەبادی : یەکخستنی عێراق و ڕێگریکردن لە دابەشبوونی هیچی کەمتر نییە لە سەرکەوتن بەسەر چەکدارانی داعشدا

06 کانونی یەکەم 2017

حەیدەر عەبادی سەرۆک وەزیرانی عێراق ئەمڕۆ ڕایگەیاند، یەکخستنی عێراق و ڕێگریکردن لە دابەشبوونی هیچی کەمتر نییە لە سەرکەوتن بەسەر چەکدارانی داعشدا.

نوسینگەی عەبادی لە بەیاننامەیەکدا بڵاویکردەوە، سەرکەوتنەکانی عێراق جیهان وەک موعجیزە باسی دەکەن، کە بە پشتیوانی فتوای عەلی سیستانی مەرجەعی باڵای شیعەکانی عێراق بە دەستهاتوون.

لە بەشێکی تری وتەکانیدا داوای هۆشیارکردنەوەی نەوەی نوێی کرد لە بیرو بۆچوونەکانی ڕژێمی بەعسی دیکتاتۆری و ڕێگریکردن لە دووبارەبوونەوەی ئەو تاوانانەی کە عێراقی پێدا تێپەڕی، جەختیشی کردەوە لە پارێزگاریکردن لەو دەستکەوتانەی بەدەستهاتوون، چونکە قۆناغی داهاتوو قۆناغی بنیاتنانەوە و بەخشین دەبێت.

لە کۆتایشدا داوای ڕێگریکردنی کرد لەو کەسانەی کە ئەو بە "تایەفییەکان" ناویبردوون، کە دەیانەوێت وڵات وێران بکەن و ڕوونیشی کردەوە، هەمووان چاوەڕوانی ڕێوشوێنی ڕووبەڕووبوونەوەی گەندەڵی دەکەن، بەڵام ئەوەی دەیانەوێت ئەنجامی بدەن لەسەر بنەمای زانیاری و بەڵگەی ورد بەڕێوەدەچێت.

ئەو وتانەی عەبادی لەکاتێکدایە لە دوای ئەنجامدانی ڕیفراندۆمەکەی هەرێمی کوردستانەوە لە ڕۆژی ٢٥ی ئەیلولدا، پەیوەندییەکانی نێوان بەغداد و هەولێر ئاڵۆزی زیاتری تێکەوت و سوپا و حەشدی شەعبی کۆنترۆڵی ناوچە کێشەلەسەرەکانیان کردەوە، دوای ئەوەی هێزەکانی پێشمەرگە پاشەکشەیان لێکرد، و لە ئێستاشدا هەرێمی کوردستان چاوەڕوانی هەڵوێستی عێراقە بۆ دەستپێکردنی گفتوگۆکان بۆ چارەسەرکردنی کێشەکان، دوای ئەوەی هەرێم ئەنجامی ڕێفراندۆمەکەی سڕکرد.

 

پەیوەندی

بۆ پەیوەندی کردن بە بەرێوەبەرایەتی تۆڕی هەواڵی هەولێر ئەو ئیمێل و ژمارە مۆبایلانەی خوارەوە بەکاربێنە

  • ناونیشنا : عێراق - هەولێر - بەرامبەر نەخۆشخانەی سەنتەری دڵ

  • ئیمێل : عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

  • ماڵپەر :٠٠٩٦٤٧٥٠٤٥٤٧٩٣٧

    ماڵپەر : ٠٠٩٦٤٧٥٠٤٦٦١٧٤٥