بەژداری پێ کردنی هەواڵ لە

FacebookTwitterGoogle BookmarksRSS Feed

وەفدێکی حکومەتی هەرێمی کوردستان دەچێتە بەغداد

13 کانونی دووەم 2018

بڕیارە ئەمڕۆ شاندێکی حکومەتی هەرێمی کوردستان سەردانی بەغداد بکات و لەگەڵ بەرپرسانی حکومەتی عێراق کۆببێتەوە بۆ گفتوگۆکردن لەسەر داهاتووی فڕۆکەخانەکان و خاڵە سنورییەکانى هەرێم.

بەپێی زانیارییەکان شاندە حکومییەکەی هەرێم پێکهاتووە لە کەریم سنجاری وەزیری ناوخۆ و مەولود باوەمراد وەزیری گواستنەوە و گەیاندن، کە بڕیارە لەگەڵ مەھدی عەلاق ئەمینداری گشتی ئەنجومەنی وەزیرانی عێراق و وەزیری ناوخۆی عێراق و چەند وەزیر و بەرپرسێکی دیکە کۆببنەوە.

شاندەکەی حکومەتی هەرێم لەگەڵ بەرپرسانی بەغداد پرسی بەڕێوەبردنی دەروازە سنورییەکان و کردنەوەی فڕۆکەخانە نێودەوڵەتییەکانی هەولێر و سلێمانی تاوتوێ دەکەن.

دواى ئەنجامدانی ڕیفراندۆم، حکومەتی عێراق گەشتی نێودەوڵەتی فڕۆکەخانەکانی هەرێمی ڕاگرت و بەردەوام داوای رادەستکردنی خاڵە سنورییەکانیش دەکات، لەوکاتەوە ئەمە یەکەمجارە شاندێکی باڵاى حکومەتى هەرێم سەردانی بەغداد بکات بۆ گفتوگۆکردن لەسەر کێشەکان.

 

پەیوەندی

بۆ پەیوەندی کردن بە بەرێوەبەرایەتی تۆڕی هەواڵی هەولێر ئەو ئیمێل و ژمارە مۆبایلانەی خوارەوە بەکاربێنە

  • ناونیشنا : عێراق - هەولێر - بەرامبەر نەخۆشخانەی سەنتەری دڵ

  • ئیمێل : عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

  • ماڵپەر :٠٠٩٦٤٧٥٠٤٥٤٧٩٣٧

    ماڵپەر : ٠٠٩٦٤٧٥٠٤٦٦١٧٤٥