بەژداری پێ کردنی هەواڵ لە

FacebookTwitterGoogle BookmarksRSS Feed

ئەنجومەنی پارێزگای هەولێر تاوتوێی كردنەوەی رێگای هەولێر- كەركوك دەكات

20 شوبات 2018
ئەمڕۆ ئەنجومەنی پارێزگای هەولێر كۆدەبێتەوەو تاوتوێی كردنەوەی رێگای سەرەكی نێوان هەولێر- كەركوك دەكات.

بەپێی بەرنامەی كاری دانیشتنەكەی ئەنجومەن، كۆبوونەوەی ئەمڕۆ سێشەممە، كاتژمێر 10:30 خولەكی پێشنیوەڕۆ دەستپێدەكات.

16ی مانگی (ئۆكتۆبەر/10)ی ساڵی 2017 هێزە عێراقییەكان بەرەو كەركوك و ناوچە جێناكۆكەكان پێشڕەوییانكردو هێزەكانی پێشمەرگە كشانەوە، دوای سێ رۆژیش شەڕو و پێكدادان لە نێوان هێزەكان پێشمەرگە و هێزە عێراقییەكان لە پردێ روویدا، بەهۆیەوە رێگای سەرەكی نێوان كەركوك- هەولێر داخرا.

پێشڕەوی هێزە عێراقییەكان دوای ئەوە هات ریفراندۆم لە هەرێمی كوردستان و ناوچە جێناكۆكەكان بەڕێوەچوو، كە لەسەدا 92.73ی بەشداربووانی راپرسییەكە بە "بەڵێ" دەنگیان بەسەربەخۆیی هەرێمی كوردستاندا.

داخستنی رێگای نێوان كەركوك- هەولێر كێشەی بۆ هاتوچۆكردنی هاوڵاتیان دروستكردووە، بەڕێوەبەری گشتی ئاسایشی هەولێریش دەڵێت، "تا پردی پردێ چاكنەكرێتەوە رێگاكە ناكرێتەوە".

رێگای كەركووك - هەولێر رێگایەكی سەرەكییە بۆ هاتوچۆكردنی هاوڵاتیان، داخستنیشی بووەتە هۆی نیگەرانی هاوڵاتیان، چونكە لە ئێستادا دەبێت بەرێگای سلێمانی- كۆیەو تەقتەق و رێگا شاخاویەكانی ئەو سنوورانەدا هاتووچۆ بكەن، سەرەڕای خراپی ئەو رێگایانە و هاوكات دووری رێگاكان.

 

 

پەیوەندی

بۆ پەیوەندی کردن بە بەرێوەبەرایەتی تۆڕی هەواڵی هەولێر ئەو ئیمێل و ژمارە مۆبایلانەی خوارەوە بەکاربێنە

  • ناونیشنا : عێراق - هەولێر - بەرامبەر نەخۆشخانەی سەنتەری دڵ

  • ئیمێل : عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

  • ماڵپەر :٠٠٩٦٤٧٥٠٤٥٤٧٩٣٧

    ماڵپەر : ٠٠٩٦٤٧٥٠٤٦٦١٧٤٥