بەژداری پێ کردنی هەواڵ لە

FacebookTwitterGoogle BookmarksRSS Feed

سەرجەم حیزبە کوردستانییەکان جگە لە پارتی بۆ رێکخستنی ئاهەنگەکانی نەورۆز کۆبونەوە "بە جلی کوردی و ئاڵای کوردستانەوە لەسەر قەڵای کەرکوک جەژنی نەورۆز دەکەینەوە"

13 ئازار 2018

بۆ دانانی بەرنامەیەکی هاوبەش بۆ یادەکانی هەڵەبجە و نەورۆز و ڕاپەڕینی کەرکوک، سەرجەم حزبە کوردستانییەکان بەبێ بەشداریی پارتی لە کەرکوک کۆبوونەوە.

دوانیوەرۆی ئەمڕۆ سێ‌شەممە لە بارەگای مەكتەبی سیاسی یەكێتی لە كەركوك، سەرجەم حزب و لایەنە سیاسییە کوردستانییەکانی شارەکە، بەبێ نوێنەری پارتی دیموکراتی کوردستان کۆبوونەوە.

لە کۆنگرەیەکی ڕۆژنامەنوویسدا ڕەوەند مەلا مەحمود، جێگری لێپرسراوی مەڵبەندی یەكێتی لە كەركوك، ڕایگەیاند "بەهاوبەشی یادی هەڵبەجە دەکەینەوە و بۆنەكانی  نەورۆز و ڕاپەڕینی کەرکوک پیرۆز دەكەین، داواش لە جەماوەری شاری كەركوك دەكەین، بە گەرموگوڕییەوە بەشداریی ئەو یاد و بۆنانە بكەن".

ڕەوەند مەلا مەحمود، جێگری لێپرسراوی مەڵبەندی یەكێتی لە كەركوك  ئاماژەی بەوەشدا "جەخت لەوە دەكەینەوە كە یاسا سەروەربێت و حكومەتی ناوەندی دەستوور جێبەجێ بكات، ئێمەش هیچ كارێكی نادەستووری و زۆرەملێی قبوڵ ناكەین و داواكارین دۆخی كەركوك ئاسایی بكرێتەوە".

هاوکات ڕەوەند مەلا مەحمود وتوشیەتی "لە جەژنی نەورۆزدا بە جلی کوردی و ئاڵای کوردستانەوە لەسەر قەڵای کەرکوک جەژنی نەورۆز دەکەینەوە، و حزبەکان وتاری خۆیان دەبێت و گردبوونەوەیەکی تایبەت بە ئەو یادە ئەنجامدەدەین".

 

پەیوەندی

بۆ پەیوەندی کردن بە بەرێوەبەرایەتی تۆڕی هەواڵی هەولێر ئەو ئیمێل و ژمارە مۆبایلانەی خوارەوە بەکاربێنە

  • ناونیشنا : عێراق - هەولێر - بەرامبەر نەخۆشخانەی سەنتەری دڵ

  • ئیمێل : عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

  • ماڵپەر :٠٠٩٦٤٧٥٠٤٥٤٧٩٣٧

    ماڵپەر : ٠٠٩٦٤٧٥٠٤٦٦١٧٤٥