بەژداری پێ کردنی هەواڵ لە

FacebookTwitterGoogle BookmarksRSS Feed

لە ڕۆژانی نەورۆزدا گەشتیاران دەتوانن بێ بەرامبەر سەردانی هەرێم بکەن

17 ئازار 2018

لە ڕۆژانی نەورۆزدا گەشتیارانی بیانی دەتوانن بێ بەرامبەر سەردانی هەرێمی کوردستان بکەن.

ماڵپەڕی ئیسنای ئێران لەزاری دەرسیم تەحسین بەرپرسی پەیوەندییەکانی گومرکی مەرزی حاجی ئۆمەران بڵاویکردووەتەوە، لە یەکەم ڕۆژی نەورۆزەوە، ئەو گەشتیارانەی سەردانەی هەرێمی کوردستان دەکەن، پارەی باج و گومرکیان لێوەرناگیرێت و دەتوانن بێ بەرامبەر بێنەناو هەرێمەوە.

ئاماژەی بەوەش کردووە کونسوڵخانەی ئێران لە هەولێر هەواڵەکەی پشتڕاست کردووەتەوە و ڕایگەیاندووە، بەو پێیە گەشتیارانی ئێرانی دەتوانن لە یەکەم رۆژی نەورۆزەوە بۆ ماوەی دوو هەفتە بە بێ پێدانی باج لە خاڵە سنوورییەکان، سەردانی هەرێمی کوردستان بکەن.

لەوبارەیەشەوە مەسعود باپیلی سەرپەرشتیاری گومرکی حاجی ئۆمەران بە ئێن ئاڕ تی ڕاگەیاند لە ڕۆژانی ١٥ی ٣ بۆ ١ی ٤، گەشتیارانی ئێرانی بە بێ پێدانی باج و ڕسومات دەتوانن سەردانی هەرێمی کوردستان بکەن.

پێشتر لەبەرامبەر هاتنەناوەی هەر گەشتیارێک بۆ هەرێمی کوردستان، بڕی ٢٥ هەزار دینار وەک باج لە دەروازە سنورییەکان وەردەگیرا، بە گوێرەی ئەم هەواڵە لە رۆژانی نەورۆزدا و بە ئامانجی هاندانی گەشتیاران بۆ ئەوەی سەردانی هەرێم بکەن، ئەو بڕە پارەیە وەرناگیرێت.

 

پەیوەندی

بۆ پەیوەندی کردن بە بەرێوەبەرایەتی تۆڕی هەواڵی هەولێر ئەو ئیمێل و ژمارە مۆبایلانەی خوارەوە بەکاربێنە

  • ناونیشنا : عێراق - هەولێر - بەرامبەر نەخۆشخانەی سەنتەری دڵ

  • ئیمێل : عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

  • ماڵپەر :٠٠٩٦٤٧٥٠٤٥٤٧٩٣٧

    ماڵپەر : ٠٠٩٦٤٧٥٠٤٦٦١٧٤٥