بەژداری پێ کردنی هەواڵ لە

FacebookTwitterGoogle BookmarksRSS Feed

سبه‌ینێ كۆبونەوەیە .. له‌باره‌ی موچه‌ى یه‌كه‌ی پاسه‌وانیی

16 نیسان 2018
سبه‌ینێ په‌رله‌مان و ناوخۆ و دارایی كۆده‌بنه‌وه‌.. له‌باره‌ی موچه‌وه‌
سبه‌ینێ كۆبوونه‌وه‌یه‌كی یه‌كلاكه‌ره‌وه‌ له‌باره‌ی سیستمی نوێی موچه‌ی وه‌زاره‌تی ناوخۆ و موچه‌ی یه‌كه‌ی پاسه‌وانیی به‌ڕێوه‌ده‌چێت و په‌رله‌مانتارێكی یه‌كێتیش ناوه‌ڕۆكی كۆبوونه‌وه‌كه‌ ئاشكرا ده‌كات و راشیده‌گه‌یه‌نێت"ده‌بێت بڕیاری كۆتایی له‌ موچه‌ی یه‌كه‌ی پاسه‌وانی بدرێت".

 

 

قادر ره‌زگه‌یی ئه‌ندامی بڕیارده‌ری لیژنه‌ی ناوخۆ و ئاسایش و ئه‌نجومه‌نه‌ خۆجێییه‌كان له‌په‌رله‌مانی كوردستان،  راگه‌یاند: سبه‌ینێ 17ی 4ی 2018، وه‌كو لیژنه‌ی ناوخۆ سه‌ردانی وه‌زیری ناوخۆی حكومه‌تی هه‌رێم و وه‌زاره‌تی دارایی و ئابووری و به‌رپرسانی حكومه‌تی هه‌رێم ده‌كه‌ین، به‌ مه‌به‌ستی تاوتوێكردنی پرسی سیستمی نوێی موچه‌ هێزه‌كانی ناوخۆ به‌گشتی و یه‌كه‌ی پاسه‌وانی به‌تایبه‌تی.

وتیشی:"هه‌وڵ ده‌ده‌ین كۆبوونه‌وه‌كه‌ی سبه‌ینێ یه‌كلاكه‌ره‌وه‌بێت و بڕیاری تێدا بدرێت به‌تایبه‌ت له‌باره‌ی دیاریكردنی رێژه‌ی لێبڕین له‌ موچه‌ی یه‌كه‌ی پاسه‌وانی، چونكه‌ ناكرێت ئه‌و پرسه‌ له‌وه‌ زیاتر دوابخرێت".

به‌وته‌ی ره‌زگه‌یی، له‌كۆبوونه‌وه‌كه‌دا جه‌خت له‌وه‌ ده‌كه‌نه‌وه‌ كه‌ ده‌بێت یه‌كه‌ی پاسه‌وانی هاوشێوه‌ی پۆلیسی سه‌ر به‌ وه‌زاره‌تی ناوخۆ مامه‌ڵه‌یان له‌گه‌ڵدا بكرێت و ناكرێت جیاوازی له‌ موچه‌كانیان بكرێت.

ئه‌وه‌شی وت:"ئه‌گه‌ر موچه‌ی یه‌كه‌ی پاسه‌وانی هاوتای مه‌ده‌نی بكرێت، ئه‌وه‌ پێده‌چێت دوو بۆ سێ ملیاری دینار تر بۆ موچه‌ی وه‌زاره‌تی ناوخۆ پێویست بێت، بۆیه‌ ده‌بێت حكومه‌ت ئه‌و به‌رپرسیارێتییه‌ بگرێته‌ ئه‌ستۆ".

 

پەیوەندی

بۆ پەیوەندی کردن بە بەرێوەبەرایەتی تۆڕی هەواڵی هەولێر ئەو ئیمێل و ژمارە مۆبایلانەی خوارەوە بەکاربێنە

  • ناونیشنا : عێراق - هەولێر - بەرامبەر نەخۆشخانەی سەنتەری دڵ

  • ئیمێل : عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

  • ماڵپەر :٠٠٩٦٤٧٥٠٤٥٤٧٩٣٧

    ماڵپەر : ٠٠٩٦٤٧٥٠٤٦٦١٧٤٥