بەژداری پێ کردنی هەواڵ لە

FacebookTwitterGoogle BookmarksRSS Feed

لەمەخمور رێگە بەلیستەكان نادرێت لەكاتی بانگەشەی هەڵبژاردندا ئاڵای كوردستان بەكاربهێنن، عەبادیش لەكاتی گەیشتنی بە هەولێر بۆ بانگەشەی لیستەكەی فەرشی سووری بۆ راخرا.

رەشاد گەڵاڵی لێپرسراوی كۆمیتەی مەخموری یەكێتیی نیشتمانیی كوردستان بەماڵپەرى حزبەکەى راگەیاندووە: كۆی لایەنە سیاسیەكانی هەرێم كە بەشداریان لە پرۆسەی هەڵبژاردنی ئەنجومەنی نوێنەرانی عیراق كردوە لەقەزای مەخمور بانگەشەی هەڵبژاردن دەكەن، بەو لایەنەشەوە كە لە18ی ئۆكتۆبەردا جارێكی دیكە مەخموری جێهێشت، ئێستا بۆ بانگەشەی هەڵبژاردن گەڕاوەتەوە شارەكەو بانگەشە بۆ لیست و كاندیدەكانی دەكات.

وتیشی: بۆ بانگەشەی هەڵبژاردن هەڵكردنی ئاڵای كوردستان لەقەزای مەخمور رێگری لێدەكرێت و لەسەر بینای تەواوی فەرمانگە ئیدارییەكان و تەواوی بارەگای لایەنە سیاسیەكان رێگە بەهەڵكردنی ئاڵای كوردستان نادرێت.

ئەوەشی خستەرٍِوو: بەهیچ شێوەیەك لەكاتی بانگەشەی هەڵبژاردنی لایەنە كوردستانییەكاندا رێگە نادرێت كە ئاڵای كوردستان بەكاربهێنرێت، بەڵكو تەنها ئاڵای حزبەكان رێگە پێدراوە.

ئەوەش لەكاتێكدایە كە لەشاری كەركوك لیستی ژمارە 162ی یەكێتیی نیشتمانیی كوردستان بەئاڵای كوردستانەوە بانگەشەی هەڵبژاردنی دەستپێكردو هیچ رێگرییەكیشی لێنەكراوە وەك ناوچە جێناكۆكەكانی دیكە.

هاوكات ئەمڕۆ 26ی نیسانی 2018، حەیدەر عەبادی بۆ بانگەشەی لیستەكەی گەیشتە هەولێرو  لەفڕۆكەخانەی هەولێریش فەرشی سووری بۆ راخراو لەلایەن نێچیرڤان بارزنییەوە پێشوازی لێكراو دواتریش بەشداری  مەراسیمی ناساندنی كاندیدەكانی لیستەكەی كرد لەپارێزگای هەولێر.

رۆژی 23ی ئەم مانگەش،مەکتەبى سیاسى یەکێتى نیشتیمانى کوردستان لەبارەی كردنەوەی بارەگاكانی هێزە كوردستانییەكان لەناوچە جێناكۆكەكان پەیامێكی ئاڕاستەی سێ سەرۆكایەتییەكی عیراق كردو رایگەیاندبوو: سەپاندنی دەسەڵاتی عەسكەری‌ و ئەمنی، پێچەوانەی دەستورو رێسای پەیوەندیەكانەو بەردەوامبونیش لەسەر سیاسەتی زەوتكردنی مافی ئازادی سیاسی لایەنەكان لەو ناوچانەدا گومانێكی زیانبەخشی لای خەڵكەكەی دروستكردووەو بەدوریشی نازانین روداوی زیانبەخشی لێبكەوێتەوە.

حكومەتی هەرێم رایگەیاند لەچوارچێوەی بانگەشەی هەڵبژاردن بۆ لیستەكەی حەیدەر عەبادی گەیشتە فڕۆكەخانەی هەولێرو لەلایەن نێچیرڤان بارزانی سەرۆكی حكومەتی هەرێمەوە لەسەر فەرشی سوور پێشوازی لێكرد.

حكومەتی هەرێم لە راگەیەنراوێكیدا كە  ، بلاوکرایتەوە: پێشنیوەڕۆی ئەمڕۆ 26ی نیسانی 2018، نێچیرڤان بارزانی سەرۆكی حكومەتی هەرێمی كوردستان، لە فڕۆكەخانەی نێودەوڵەتیی هەولێر پێشوازی لە د.حەیدەر عەبادی سەرۆك وەزیرانی عیراق كرد كە لە چوارچێوەی بانگەشەی هەڵبژاردندا بەسەردانێك لە هەرێمی كوردستانە.

رونیشیكردۆتەوە: درەنگانێكی ئێوارەی دوێنێ  حەیدەر عەبادی بۆ دەستپێكردنی بانگەشەی هەڵبژاردن بۆ لیستەكەی گەیشتبوە شاری سلێمانی.

عەبادی لەسەرەتای دەستبەكاربووبونییەوە وەك سەرۆك وەزیرانی عیراق لەساڵی 2014ەوە، تائێستا چەندین كێشەی قوڵی هەڵپەسێردراوی سیاسی و ئابوری دارایی لەنێوان حكومەتی هەرێم و حكومەتی عیراقدا هەن، بەچارەسەرنەكراوی ماونەتەوەو لەماوەی چوار ساڵی حكومڕانیدا ئامادە نەبووە بۆ چارەسەركردنی ئەو كێشانە سەردانی هەولێر بكات، بەڵام لەئێستادا بۆ بانگەشەی لیستەكەی كە بەشداری هەڵبژاردنە پەرلەمانییەكەی 12ی ئایاری داهاتوو دەكات گەیشتۆتە هەولێر. 

 
 
 
 
 
 
لە میانی سەردانەکەیدا بۆ پاڵپشتی بانگەشەکانی ھەڵبژاردنی لیستی ١٦٢ی یەکێتی لە دەڤەری بادینان، قوباد تاڵەبانی سەردانی قەزای ئامێدی کرد و لەلایەن جەماورەو لایەنگرانێکی زۆری یەکێتیی نیشتمانیی کوردستانەوە
 
پێشوازی لێکرا.
 
پاشان لە وتەیەکیدا، قوباد تاڵەبانی لە بەردەم لایەنگرانی یەکێتی لە کۆمیتەی قەزای ئامێدی ئاماژەی بەوە کرد: خۆشحاڵم کە لەم شارە رۆشنبیرە و پڕ لە یەکێتییە دلسۆزەم.

ئاماژەی بەوەشدا: کە دەبێت ئێوەی یەکێتییە دڵسۆزەکان بیسەلمێنن کە ئامێدی پڕە لە یەکێتی. 

سەبارەت بە ھەڵبژاردنی ١٢ی٥ یش قوباد تاڵەبانی رایگەیاند: پشتیوانی لیستەکەی خۆتان و کاندیدەکان بن، چونکە ئەم ھەڵبژاردنە بۆ ئەوەیە بەھێزترین تیم بنێرینە بەغداد، بۆ ئەوەی شەڕی بەدەستھێنانەوەی ماف و ئایندەمان بکەن، بۆ ئەوەی شەڕ لە سەر بەدەستھێنانەوەی ناوچە جێناکۆکەکان و بەدەستھێنانەوەی تەواوی مافەکانمان بکەن. 

ھاوکات ئەوەشی خستە ڕوو: کە ئێوەن ھاوسەنگیی کورد لە بەغداد رادەگرن.

سەبارەت بە پرسی نوێبوونەوە و بەستنی کۆنگرە، قوباد تاڵەبانی ئاماژەی بەوە کرد کە لە دوای ئەم ھەڵبژارنە دەست بە نوێبوونەوە و بەستنی کۆنگرە دەکەین، بەڵێنیش دەدەین کە یەکێتی لەوە زیاتر بەھێز بکەین. 

ئەندامێكی لیژنەی ناوخۆی پەرلەمانی كوردستان رایگەیاند، هێزەكانی پێشمەرگە بۆ ئەم مانگەش بە سیستەمە كۆنەكە مووچەیان  پێدەدرێت، وتیشی، تەنها پاشەكەوتی مووچە لەسەر شەهیدان و بەشێك لە كەمئەندامان هەڵگیراوە.

قادر رەزگەیی بە ماڵپەرى خەندانی راگەیاندووە، ئەمڕۆ پێنجشەممە بە سیستەمە كۆنەكە دەست بە دابەشكردنی مووچەی هێزەكانی 70 كراوە، وەزارەتی پێشمەرگەو هێزەكانی 80ش لە چاوەڕوانی وەرگرتنی مووچەكانیان.

ئاماژەی بەوەشكرد، شەهیدان پاشەكەوت لەسەر مووچەكانیان هەڵگیراوە، هاوكات كەمئەندامان كە رێژەكەیان لەسەدا 100بوە پاشەكەوتیان لەسەر هەڵگیراوە، ئەو كەمئەندامانەشی كە رێژەكانیان لە سەدا 100 نیە مووچەكانیان وەك خۆی ماوەتەوە بە سیستەمەكەی پێشوو وەردەگرن.

حكومەتی هەرێمی كوردستان لەمساڵدا تەنها مووچەی مانگی 1ی دابەشكردووە، لەكاتێكدا لە بەغداوە بە دووجار زیاتر لە 634 ملیار دینار رەوانەی هەرێم كراوە.

رەزگەی وتیشی، نازانرێت ئەو مووچەیەی كە ئەمڕۆ بەسەر پێشمەرگەدا دابەش دەكرێت مووچەی مانگی چەندە.

لەسەرەتای ساڵی 2016 ەوە حكومەتی هەرێمی كوردستان كار بە سیستەمی پاشەكەوتی موچەی فەرمانبەران دەكات، ئەوەش "بە ئامانجی كەمكردنەوەی خەرجی و زیادكردنی داهات".

بەگوێرەی ڕێكەوتنەكەی یەكێتیی و گۆڕان بۆ ئاڵوگۆڕی ژمارەیەك پۆستی ئیداریی لەهەردوو پارێزگای سلێمانی و هەڵەبجە، چوار ڕۆژی دیكە وادەی بەڕێوەبردنی پۆستی پارێزگار لەلایەن گۆڕانەوە كۆتایی دێت، ئەندامێكی سەركردایەتی یەكێتیی كۆبونەوەیەكی دوو قۆڵی یەكێتیی و گۆڕان بەپێویست دەزانێت، ڕاشیدەگەیەنێت، "ئەگەر یەكێتیی پۆستی پارێزگاری سلێمانی وەربگرێتەوە د.ئاسۆ فەرەیدون پارێزگاری پێشوو لەپۆستەكەدا دەستبەكاردەبێتەوە".

 

 

بەگوێرەی ئەو ڕێكەوتنەی لەنێوان (یەكێتیی و گۆڕان)دا هەیە لەسەر پۆستی پارێزگای سلێمانی، پێویستە لەدوای ڕۆژی ٣٠ی ٤ی ٢٠١٨ پۆستەكە لەلایەن گۆڕانەوە ڕادەستی یەكێتیی بكرێتەوە، گۆڕانیش ڕایدەگەیەنێت، "درەنگ پۆستەكەمان وەرگرتوەو لەو وادەیەدا ڕادەستی ناكەینەوە".
 
لەوبارەیەوە فەرید ئەسەسەرد ئەندامی ئەنجومەنی سەركردایەتی یەكێتیی  ڕاگەیاندووە، "وەرگرتنی پۆستی پارێزگای سلێمانی لەلایەن گۆڕانەوە بەڕێكەوتنی نێوان یەكێتیی و گۆڕان كراوە، ئێستاش كە وادەی بەڕێوەبردنی ئەو پۆستە لەلایەن گۆڕانەوە نزیكە لەوادەی كۆتایهاتن، پێویستە كۆبونەوەیەك لەنێوان هەردولا ئەنجامبدرێت".
 
وتیشی:"تائێستا هیچ وادەیەك بۆ ئەو كۆبونەوەیە دیارینەكراوە، بەڵام پێویستە لەكۆبونەوەیەكدا ئەم بابەتە لەنێوان هەردولادا یەكلابكرێتەوە".
 
سەركردایەتیەكەی یەكێتیی ئەوەشی وت:"یەكێتیی ئەگەر پۆستی پارێزگای سلێمانی وەربگرێتەوە، دەكرێت د.ئاسۆ فەرەیدون پارێزگاری پێشوی سلێمانی لەپۆستەكەدا دەستبەكاربێتەوە، چونكە ئەزمونی ئەوكارەی هەیەو دەتوانێت پۆستی پارێزگاری سلێمانی بەباشی بەڕێوەببات".

دوێنێ 26-4-2018 ئاسۆس علی لێپرسراوی مەڵبەندی 6ی سۆرانی(ی.ن.ك) لە كۆمیتەی هەریر سەرپەرشتی كۆبوونەوەیەكی فراوانی كرد كە چەندین فەرماندەو پێشمەرگەی قارەمانی (ی.ن.ك) و كەسایەتی ناوچەكە بەژداربوون.

 مەبەست لە كۆبونەوەكەش ناساندنی كاندیدانی لیستی 162 ی سنوری هەولێر بوو، لە سەرەتای كۆبوونەوەكەشدا هەڤاڵ ئاسۆس علی وتەیەكی پێشكەش كردو تیایدا رایگەیاند: بە دروشمی بەرەو سەركەوتن ئیرادەمان بەهێزە بە پاڵپشتی ئێوە بۆ ئەنجومەنی نوێنەرانی عێراق دەستی پێ كرد، چونكە تیمێكی بەهێزی لیستی 162 دڵنیامان دەكاتەوە بە هەموو توانایەكیان لەسەر مافەكانی خەڵكی كوردستان و تاك بە تاكی ئەم هەرێمە بەرگری دەكەن.

هەر لە كۆبوونەوەكەدا راشیگەیاند:پێویستە ئێمە بەرەو سندوقەكانی دەنگدان بڕۆین و هەموو ناكۆكیەكانمان وەلا بنێین و ئەم پرۆسە گرنگە سەربخەین.

ئەمەش لە كاتێكدایە لە كۆبوونەوەكەدا كاندیدانی لیستی 162 كارنامەو دروشمەكانیان پێشكەش كرد.

حەیدەر عەبادی سەرۆك وەزیرانی لەهەولێرەوە باسی لەو كەسانە كرد، دەیانوت "عێراق كۆتایی هاتووە"و بە "هەڵە" ناوی بردن.

حەیدەر عەبادی ئەمڕۆ پێنج شەممە سەردانی هەولێری كردو رایگەیاند، ئەو كەسانەی لەسەرەتای هاتنی داعش لە 2014 دەیانوت عێراق كۆتایی هاتووە "هەڵە" بوون.

حەیدەر عەبادی راشیگەیاند، عێراق نەك كۆتایی نەهات، بگرە توانی بەسەر داعشدا سەربكەوێت‌و لەسێ‌ ساڵدا كۆتایی پێبهێنێت، لەكاتێكدا پێشبینیان دەكرد، ئەوە بە 30 ساڵ دەكرێت.

سەرۆك وەزیرانی عێراق ئەوەشی راگەیاند، ئەوان بەردەوامدەبن، بەوەی ئێستا قۆناغی دوای داعشەو كار بۆ ئاوەدانكردنەوەی عێراق دەكەن‌و جەختیشیكردەوە، ئەوەش دەكەن.

عەبادی هەروەها رایگەیاند، ئەوان بە بەهێزی هێزە ئەمنییەكانی عێراق توانیویانە بەسەر داعش سەربكەون‌و شكست بەهەموو هەوڵەكانی بارچەكردنی عێراق بهێنن.

 

سەرچاوە هەواڵییەكانی توركیا ئاشكرایانكرد، كە ئیبراهیم تاتڵیساسی هونەرمەندی توركی لەسەر پارتەكەی رەجەب تەیب ئەردۆغانی سەرۆك كۆماری توركیا خۆی كاندید كردووە بۆ پەرلەمان.

هەر بەپێی سەرچاوەكان ئیبراهیم تاتڵیساس لەپارێزگای ئیزمیری توركیاو لەسەر پارتی دادوگەشەپێدانی توركیا، كە ئەردۆغان سەرۆكایەتی دەكات، خۆی كاندید كردووە.

ئەمە لەكاتێكدایە، بڕیارە لە 24ی حوزەیرانی رابردوو هەڵبژاردنی پەرلەمانی توركیاو سەرۆكایەتی كۆماری ئەو وڵاتە بەرێوەدەچێت.

ئیبراهیم تاتڵیساس پێشتریش وەك كاندیدێكی سەربەخۆ لەسەر بازنەی "ئۆرفا" لەباكووری كوردستان خۆی كاندید كردبوو، كە دەرنەچوو.

وه‌زاره‌تی ناوخۆی حكومه‌تی هه‌رێم گۆڕانكاری له‌پاشكه‌وتی موچه‌ی یه‌كه‌ی پاسه‌وانی سه‌ر به‌و وه‌زاره‌ته‌ كرد، له‌مانگی داهاتوشه‌وه‌ یه‌كه‌ی پاسه‌وانی به‌و سیستمه‌ نوێیه‌ موچه‌ وه‌رده‌گرێت.

به‌گوێره‌ی خشته‌ی نوێی گۆڕانكاری له‌پاشه‌كه‌وتی موچه‌ی یه‌كه‌ی پاسه‌وانی سه‌ر به‌وه‌زاره‌تی ناوخۆ كه‌ ده‌ست شــارپـــریـــَس كه‌وتووه‌، بڕی پاشه‌كه‌وتی پۆلیسی پاسه‌وانی گۆڕانكاریی به‌سه‌ردا هاتووه‌، له‌مانگی داهاتووشه‌وه‌ ئه‌و هێزه‌ی سه‌ربه‌وه‌زاره‌تی ناوخۆ به‌گوێره‌ی ئه‌و خشته‌ نوێیه‌ موچه‌ وه‌رده‌گرن.

پێشتریش ئاواز حه‌مید ئه‌فه‌ندی ئه‌ندامی لیژنه‌ی ناوخۆ ‌و ئاسایش له‌په‌رله‌مانی كوردستان  ڕاگه‌یاندووە، له‌مانگی داهاتوه‌وه‌ گۆڕانكاریی به‌سه‌ر موچه‌ی هێزه‌كانی ناوخۆدا دێت، به‌ئاراسته‌ی باشتر ده‌چێت.

 

سەرچاوە: شار پرێس

یه‌كێتیی‌ بۆ پارتی‌: دوای‌ هه‌ڵبژاردن بڕیاری‌ كۆتایی ده‌ده‌ین
یه‌كێتیی‌ نیشتیمانی‌ كوردستان ڕونكردنه‌وه‌ ده‌دات سه‌باره‌ت به‌دوو ڕێكه‌وتنی‌ پێشتری‌ له‌گه‌ڵ پارتی‌ و سه‌ركردایه‌تیه‌كی‌ یه‌كێتیش ڕایده‌گه‌یه‌نێت، "ئه‌گه‌ر ئه‌نجامی‌ هه‌ڵبژاردنی ئه‌نجومه‌نی‌ نوێنه‌ران یارمه‌تیدار نه‌بێت، ڕه‌نگه‌ ئه‌و دوو ڕێكه‌وتنه‌ی پێشتر له‌نێوان هه‌ردولا هه‌بوه‌ به‌ته‌واوی‌ كاریان پێنه‌كرێت".

 

 

فه‌رید ئه‌سه‌سه‌رد ئه‌ندامی سه‌ركردایه‌تی‌ یه‌كێتیی‌ به‌تۆڕى هەواڵی‌ سلێمانى  ڕاگه‌یاندوە، "وه‌ك یه‌كێتیی‌ دوو ڕێكه‌وتنمان له‌گه‌ڵ پارتیدا هه‌یه‌، یه‌كه‌میان ده‌گه‌ڕێته‌وه‌ بۆ ساڵی 2004 كه‌ تێیدا دابه‌شكردنی‌ پۆسته‌كانی‌ كوردستان و به‌غدای له‌سه‌ر بنه‌ماكراوه‌".

وتیشی:"هه‌رچی ڕێكه‌وتنی‌ ستراتیژیش هه‌یه‌ كه‌ له‌ساڵی‌ 2007وه‌ ئه‌نجامدراوه‌و تایبه‌ته‌ به‌ڕێكخستنی‌ په‌یوه‌ندییه‌كان و چه‌ند بوارێكی‌ دیكه‌، ئێستا به‌هه‌مانشێوه‌ هه‌ردوو ڕێككه‌وتنه‌كه‌ وه‌ك پێویست كاری‌ پێناكرێت".

ئاشكراشیكرد، له‌دوو ساڵی‌ ڕابردودا پێشنیازكراوه‌ ڕێكه‌وتنه‌كانی‌ نێوان یه‌كێتیی و پارتی‌ هه‌مواربكرێنه‌وه‌ به‌جۆرێك، له‌گه‌ڵ بارودۆخی‌ ئێستادا بگونجێت، "به‌ڵام كاری‌ پێنه‌كرا".

ئه‌و ئه‌ندامه‌ی‌ سه‌ركردایه‌تی‌ یه‌كێتیی ته‌ئكیدیكرده‌وه‌، "له‌ئێستادا ناتوانین بڕیار له‌باره‌ی‌ چاره‌نوسی ئه‌و دوو ڕێكه‌وتنه‌وه‌ بده‌ین, به‌ڵام ئه‌گه‌ر هه‌ڵبژاردنی ئه‌نجومه‌نی‌ نوێنه‌ران و ئه‌نجامه‌كانی‌ یارمه‌تیدارو هاوكار نه‌بون، ئه‌وا ڕه‌نگه‌ ئه‌و دوو ڕێكه‌وتنه‌ به‌یه‌كجاری‌ كاری پێنه‌كرێت".

 

 

الصفحة 1 من 1241

 

پەیوەندی

بۆ پەیوەندی کردن بە بەرێوەبەرایەتی تۆڕی هەواڵی هەولێر ئەو ئیمێل و ژمارە مۆبایلانەی خوارەوە بەکاربێنە

  • ناونیشنا : عێراق - هەولێر - بەرامبەر نەخۆشخانەی سەنتەری دڵ

  • ئیمێل : عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

  • ماڵپەر :٠٠٩٦٤٧٥٠٤٥٤٧٩٣٧

    ماڵپەر : ٠٠٩٦٤٧٥٠٤٦٦١٧٤٥