بەژداری پێ کردنی هەواڵ لە

FacebookTwitterGoogle BookmarksRSS Feed

موحسین سه‌عدون سه‌رۆكى لیژنه‌ى یاسایى په‌رله‌مانى عیراق ده‌ڵێت "كوتله‌ ناڕازیه‌كانى درێژكردنه‌وه‌ى ماوه‌ى په‌رله‌مان، كه‌ بڕیاره‌ ئه‌مڕۆ ده‌نگى له‌سه‌ربدرێت، په‌نا ده‌به‌نه‌به‌ر دادگاى باڵای فیدرالى بۆ رونكردنه‌وه‌ى ده‌ستورى له‌سه‌ر درێژكردنه‌وه‌كه‌".
ئه‌و په‌رله‌مانتاره‌ به‌ رۆژنامه‌ی "ئه‌لحه‌یات"ى له‌نده‌نى راگه‌یاندوه‌، له‌ده‌ستورى عیراقیدا هیچ ده‌قێك نییه‌ رێگه‌ به‌په‌رله‌مان بدات ماوه‌ى كاره‌كانى درێژبكاته‌وه‌، هه‌ندێك لایه‌نیش پێیانوایه‌ هیچ ده‌قێك نییه‌ رێگر بێت له‌ درێژكردنه‌وه‌ى ماوه‌كه‌ى به‌ بڕیارێكى په‌رله‌مانى.
وتوشیه‌تى "لایه‌نه‌ رازیه‌كان له‌سه‌ر درێژكردنه‌وه‌ى ماوه‌ى په‌رله‌مان پێیانوایه‌ پرۆسه‌ى جیاكردنه‌وه‌ى ده‌نگه‌كانى هه‌ڵبژاردن به‌ده‌ست پێویستى به‌ چاودێرى په‌رله‌مان هه‌یه‌، نابێت ئه‌و پرۆسه‌یه‌ له‌كاتێكدا به‌ڕێوه‌بچێت، كه‌ بۆشایى ده‌ستورى هه‌بێت".
سه‌رۆكى لیژنه‌ى یاسایى په‌رله‌مانى عیراق له‌لێدوانه‌كه‌یدا رونیشیكردۆته‌وه‌، لایه‌نه‌ ناڕازیه‌كان په‌نا ده‌بنه‌به‌ر دادگاى ده‌ستورى، به‌ڵام ئه‌وه‌ش كاتى ده‌وێت بۆئه‌وه‌ى بڕیاربدات، بۆیه‌ هیوادارن پێش بڕیارى دادگاى باڵای فیدرالى، جیاكردنه‌وه‌ى ده‌نگه‌كان به‌ده‌ست كۆتایى بێت.
بڕیاره‌ ئه‌مڕۆ یه‌كشه‌ممه‌ 24-6-2018 په‌رله‌مانى عیراق كۆببێته‌وه‌ و بڕیار له‌سه‌ر درێژكردنه‌وه‌ى ماوه‌ى كاركردنى خۆى بدات.

له‌شاری ئه‌زمیر پارتی دیموكراتی گه‌لان ( هه‌ده‌په‌) كرێكارێكی ئه‌فریقی ده‌كاته‌ كاندید.

به‌پێی سه‌رچاوه‌كانی هه‌واڵ یاڵچن یانك كرێكارێكی به‌ ڕه‌گه‌ز ئه‌فریفی و هه‌ڵگری ڕه‌گه‌زنامه‌ی توركییه‌، له‌لایه‌ن پارتی دیموكراتی گه‌لان( هه‌ده‌په‌) له‌شاری ئه‌زمیر كاندید كراوه‌ بۆ په‌رله‌مانی ئه‌و وڵاته‌.

ئه‌و كرێكاره‌ ئه‌فریقییه‌ ده‌ڵێت: له‌سایه‌ی پارتی دیموكراتی گه‌لان ( هه‌ده‌په‌) ده‌نگی كرێكار و چه‌وساوه‌كان له‌ په‌رله‌مانی توركیا.

سێرگی مانوكۆفی نووسەری بەناوبانگی روسی لە بارەی هەڵبژاردنەكانی توركیاوە نوسینێكی بڵاوكردۆتەوە و چوار پێشبینی بۆ ئەنجامەكان دیاری كردووە، تێیدا ئەوەی خستۆتەروو ئەگەری زۆرە رەجەن تەیب ئەردۆگان لە هەڵبژاردنەكاندا شكستبهێنێت و ئۆپۆزسیۆنی ئەو وڵاتە سەر بكەوێت.

کاندیدی پارتی دیموکراتی گەلان ھەدەپە بۆ ھەڵبژاردنی سەرۆکایەتی تورکیا، لە دوای دەست پێکردنی پرۆسەی ھەڵبژاردن لە تورکیا دەنگی خۆیدا.

سەلاحەدەین دەمیرتاش کاندیدی ھەدەپە بۆ سەرۆکایەتی تورکیا و عەبدوڵڵا زەیدان ئەندامی پەرلەمانی جولەمێرگ لە زیندانی ئیدیرنا دەنگی خۆیان دا. 
 
دەمیرتاش لە تویتەری خۆیدا رایگەیاندووە: ئێمە لە زیندان دەنگی خۆمان دا، ھیوادارم ئێوەش بڕۆنە شوێنی دنگدانەکانتان و دەنگ بۆ پاشەڕۆژی وڵات و دیموکراسی بدەن. 
 
ئەوەشی وتووە: ئومێدەوارم دەنگدانی ئێوە لە رەوشێکی ئارامدا بەڕێوە بچێت. و من دڵنیام ئەنجامەکانی ئێوە زۆر باش دەبن.
 
لە کاتی دەستپێکردنی پڕۆسەکەش بەشاک دەمیرتاش لە ئامەد دەنگی خۆیدا و رایگەیاند رۆژی سەرکەوتن نزیکەو بەهیواین ئەمڕۆ ببێتە سەرەتای کۆتایی ئازارو مەینەتییەکانی گەلی کورد. 

 

سەرۆکی حزبی باش و کاندیدی سەرۆکایەتی تورکیا، لە کاتی دەنگدانی خۆیدا لە یەکێک لە بنکەکانی دەنگدان لە ئەستەنبوڵ رایگەیاند: ھەڵبژاردنێکی جیاوازە بۆ ئێمە و بۆ خەڵک کە دەنگی خۆمان دەدەین.
 
میراڵ ئاکشنەر لە دوای دەنگدانی خۆی بۆ ھەڵبژاردنی سەرۆکایەتی و پەرلەمانی تورکیا لە لێدوانێکیدا بۆ رۆژنامە نووسان رایگەیاند: ھەمووشتێک چاوەڕێ دەکرێت، تەنھا ئەوە نایەتە چاوەڕێ کردن کە ئەنجامەکان بە چ شێوەیەک دەبن.
 
ئاکشنەر ئەوەێش وت: لە بەرامبەر دەنگی ھاووڵاتیان، ناکرێت ناڕەزایەتی بکرێت و پێویستە دەنگدەران بە ئیرادەیەکی ئازاد دەنگی خۆیان بدەن. چونکە سندووقەکانی دەنگدانی ھێزی گەلەکەمان دەر دەخەن. 

 

ئەمڕۆ٢٤ی حوزیران ھەڵبژاردنی سەرۆکایەتی و پەرلەمانی تورکیا دەستیپێکرد و چاوەڕوانیش دەکرێت لە دوای کۆتایی ھاتنی کاتی دیاریکراوی دەنگدان لە سەعات ٥ ی ئێوارە، تا بەر لە سەعات ١٢ شەو ئەنجامە بەراییەکان رابگەیەندرێن و ھەدەپەش بە تێپەڕاندنی رێژەی لە سەدا ١٠ بچێتە پەرلەمانی تورکیاوە.
 
سەعات ٨ی بەیانی ئەمڕۆ ھاووڵاتیانی تورکیا بۆ ھەڵبژاردنی سەرۆکایەتی و پەرلەمانی وڵاتەکەیان رۆشتنە سەر سندووقەکانی دەنگدان، کە تیایدا ٦ کاندیدی بۆ پۆستی سەرۆکایەتی و ھەشت حزب بۆ ٦٠٠ کورسی پەرلەمانی تورکیا کێبڕکێ دەکەن.
 
بە پێی دوایین راپرسییەکانیش پێ دەچێت پارتی دیموکراتی گەلان ھەدەپە بەربەستی چوونە پەرلەمانی تورکیا بە لە سەدا ١١.٧ تێپەڕێنێت. 

بڕیارده‌ری سه‌ركردایه‌تی كۆمه‌ڵی ئیسلامی كوردستان رایده‌گه‌یه‌نێت ئه‌گه‌ر هه‌ڵبژاردنی په‌رله‌مانی كوردستان له‌ كاتی خۆیدا ئه‌نجام نه‌درێت ده‌بێت پاساوی زۆر گه‌وره‌ و سه‌ره‌كی بۆ دواخستنی هه‌بن. 

شوان رابه‌ر، بڕیارده‌ری سه‌ركردایه‌تی كۆمه‌ڵی ئیسلامی راگه‌یاندوە كه‌ "هه‌ر له‌سه‌ره‌تاوه‌ ئه‌وان پێیان ناخۆش و ناڕه‌وا بووه‌ هه‌ڵبژاردنه‌كانی كوردستان دوابخرێن، له‌به‌رئه‌وه‌ی به‌ كارێكی نایاسایی و خراپی ده‌زانن".
 

شوان رابه‌ر وتی‌: "پێویسته‌ هه‌ڵبژاردنه‌كانی كوردستان له‌ كاتی خۆیاندا بكرێن، ئه‌ویش هه‌ڵبژاردنێكی پاك و بیگه‌رد و بێ ده‌ستوه‌ردان و بێ فشار و هه‌ڕه‌شه‌ بێت".

ناوبراو روونیكرده‌وه‌، ئه‌سڵ ئه‌وه‌یه‌ هه‌ڵبژاردنه‌كان له‌ كاتی خۆیاندا بكرێن و به‌هیچ شێوه‌یه‌ك دوانه‌كه‌ون، چونكه‌ دواكه‌وتن زیانی زۆری له‌ پڕۆسه‌ی سیاسی و حكومڕانی و دیموكراتی داوه‌.

رابه‌ر باسی‌ له‌وه‌ كرد كه‌ "یه‌كێتی و پارتی و ئه‌گه‌رچی خۆیان به‌حزبی دیموكراتیخواز ده‌زانن، به‌ڵام هه‌میشه‌ هه‌وڵی دواخستنی هه‌ڵبژارده‌كان و پێشێلكردنی یاسا و قۆرخكاری ده‌ده‌ن، ئه‌گه‌ر له‌حاڵه‌تێكدا هه‌ڵبژاردنیش دوابكه‌وێت پێویسته‌ پاساوی زۆر گه‌وره‌ و سه‌ره‌كی هه‌بن و لایه‌نه‌كانیش له‌سه‌ر ئه‌م پاساوانه‌ كۆك و ته‌با بن، نه‌ك به‌ ئاره‌زووی خۆیان یاری به‌ چاره‌نووسی خه‌ڵك و هه‌ڵبژاردن و یاسا و په‌رله‌مان بكه‌ن، ئه‌گه‌ر وا بكه‌ن كارێكی خراپه‌".

بڕیاره‌ رۆژی 30ی ئه‌یلول هه‌ڵبژاردنی په‌رله‌مانی كوردستان ئه‌نجام بدرێت، به‌ڵام یه‌كێتی داوای له‌ پارتی كردووه‌ هه‌ڵبژاردن بۆ چه‌ند مانگێك دوابخرێت.

موحەڕەم ئینجە، كاندیدی جەهەپە بۆ سەرۆك كۆماری توركیا لە پەیامێكدا بۆ هاوڵاتیانی توركیا رایگەیاند، سندوقەكان و رێنماییەكانی هەڵبژاردن ئەمانەتی ئێوەیە، كۆمسیۆنی باڵای هەڵبژاردنیش ئەمانەتی ئەوانە.

موحەڕەم ئینجە بەیانی ئەمڕۆ چووەسەر سندوقەكانی دەنگدان و دوای دەنگدانی رایگەیاند، "پیرۆزبایی لە گەل و نیشتیمان دەكەم، ئێستا بەرەو ئەنقەرە بەڕێ دەكەوم بۆ بەردەم كۆمسیۆنی باڵای هەڵبژاردنەكان".

هاوكات موحەڕەم ئینجە لە تویتێكدا لە تۆڕی كۆمەڵایەتی تویتەر نوسیوویەتی، "داوا لە هاوڵاتیان توركیا دەكەم بچنەسەر سندوقەكانی دەنگدان"، ئینجە هۆشداریدەدات لە پاراستنی سندوقەكانی دەنگدان.

كاندیدی جەهەپە بۆ سەرۆك كۆماری توركیا نوسیوویەتی، "سندوقەكان و رێنماییەكانی هەڵبژاردن ئەمانەتی ئێوەیە، كۆمسیۆنی باڵای هەڵبژاردنیش ئەمانەتی ئێمە".

موحەڕەم ئینجە ئاماژەی بەوەشكردووە، "بەختێكی باش بۆ هەموو لایەك، داهاتوومان بەدەست دەهێنینەوە".

ئەمڕۆ یەكشەممە هەڵبژاردن بۆ پەرلەمانی توركیا و سەرۆك كۆماری توركیا بەڕێوەدەچێت و شەش كاندید كێبڕكێ لەسەر بەدەستهێنانی كورسی سەرۆك كۆمار دەكەن.

بەپێی راپرسییە ناوخۆییەكانی توركیا كێبڕكێی توند لە نێوان هەریەكە لە رەجەب تەیب ئەردۆغان، كاندیدی ئاكپارتی و موحەڕەم ئینجە، كاندیدی جەهەپە-دایەو پێدەچێت هەردوو كاندید بچنە خولی دووەمی هەڵبژاردنەكەوە.

 لە توركیا و باكوری كوردستان 56 ملیۆن و 342 هەزار و 263 كەس مافی دەنگدانیان هەیە، هەروەها 180 هەزار و 896 سندووق لە بنكەكانی دەنگدان دانراون. 

هەڵبژاردنەكانی توركیا لە سەرانسەری جیهانەوە چاودێری دەكرێت، 8 ڕێكخراوی نێودەوڵەتی بە 415 كەسەوە چاودێری هەڵبژاردنەكان دەكەن، كە 234 لەوانە ئەندامی OSCE و 35 كەسیش ئەندامی ئەنجومەنی پەرلەمانتارانی ئەنجوومەنی ئەوروپان.

 

لایەنەكانی عێراق لەپێكهێنانی كوتلەی زۆرینەی پەرلەمانی نزیك بوونەتەوە، كە موقتەدا سەدری سەرۆكی رەوتی سەدر سەرۆكایەتی دەكات.

هووڵی لایەنەكان بۆ دروستكردنی كوتلەی زۆرینەی پەرلەمانی بەهۆی چوونە ریزی حەیدەر عەبادی سەرۆكی لیستی نەسر بۆ پاڵ ئەو هاوپەیمانییەی لەنێوان لیستەكانی سائیروون‌و فەتح پێكهێنراوە، لەپێكهێنانی كوتلەی زۆرینەی پەرلەمانی نزیكبوونەتەوە.

شەوی رابردوو موقتەدا سەدر، كە سەرۆكایەتی لیستی سائیروون دەكات، پێكهێنانی هاوپەیمانی لەگەڵ حەیدەر عەبادی راگەیاند، كە پێشتریش هاوپەیمانی لەگەڵ هادی عامری سەرۆكی لیستی نەسر پێكهێنابوو.

ئێستا نەسرو فەتح‌و سائیروون، گەورەترین كوتلەی پەرلەمانین، كە ژمارەی كورسییەكانیان لە 150 كورسی نزیكبووەتەوە، كە كوتلەی زۆرینە 175 كورسی پێویستە بۆ پێكهێنانی حكومەتی داهاتووی عێراق.

لەو بارەشەوە لیستی سائیروون رایگەیاندووە، كە بەم نزیكانە هاوپەیمانییەكەیان فراوان دەكەن‌و كوتلەی زۆرینەی پەرلەمانی بۆ پێكهێنانی حكومەتی داهاتوو دروست دەكەن.

لیستەكە راشیگەیاندبوو، موقتەدا سەدر سەرۆكایەتی هەوڵەكانی پێكهێنانی كوتلەی زۆرینەی پەرلەمانی دەكات‌و كار بۆ ئەوە دەكات، سەرجەم لایەنەكان لەكوتلەكە نزیكبكاتەوەو بەشدارییان لەحكومەت پێبكات.

به‌هۆی بۆچونی‌ دادگای‌ فیدراڵی‌ سه‌باره‌ت به‌ئه‌ژماركردنه‌وه‌ی‌ ده‌نگه‌كان و ڕه‌تكردنه‌وه‌ی‌ بڕیاره‌كه‌ی‌ ئه‌نجومه‌نی‌ نوێنه‌ران سه‌باره‌ت به‌سوتاندنی‌ ده‌نگی‌ كه‌مپی ئاواره‌كان, یه‌كێتی‌ كورسیه‌كی‌ دیكه‌ له‌ئه‌نجومه‌نی‌ نوێنه‌ران له‌سه‌ر ئاستی‌ نه‌ینه‌وا به‌ده‌ستده‌هێنێت، به‌رپرسێكی‌ یه‌كێتیش زانیاری زیاتر له‌وباره‌یه‌وه‌ ئاشكراده‌كات و ڕایده‌گه‌یه‌نێت، "له‌و 197 سندوقه‌ی‌ حساب نه‌كران، ده‌نگێكی‌ زۆری‌ یه‌كێتیی تێدایه‌".

 

 

غه‌یاس سورچی كارگێڕی‌ مه‌ڵبه‌ندی نه‌ینه‌وای‌ یه‌كێتیی‌ نیشتیمانی‌ كوردستان  ڕاگه‌یاندوە، "پێشتر 197 سندوق كه‌ ده‌نگی‌ ئاواره‌كانی‌ پارێزگای‌ نه‌ینه‌وای تێدابوه‌و له‌پارێزگای‌ دهۆك سوتێنراوه‌، ژماره‌یه‌كی‌ زۆر ده‌نگی‌ یه‌كێتیی‌  تێدابوو".

وتیشی‌:"جگه‌ له‌وه‌ به‌شێكی‌ زۆری‌ ناوچه‌كانی‌ نه‌ینه‌وا له‌ژێر ده‌ستی‌ حه‌شدی شه‌عبیدا بون، بۆیه‌ گومانمان هه‌یه‌ كه‌ ده‌نگه‌كانمان وه‌ك خۆی ئه‌ژماركرابێت".

ئاماژه‌ی‌ به‌وه‌شكرد، "له‌ئێستادا یه‌كێتیی‌ 34 هه‌زار ده‌نگی‌ به‌ده‌ستهێناوه‌و خاوه‌نی‌ یه‌ك كورسیه‌، ئه‌گه‌ر ئه‌و 197 سندوقه‌ به‌ده‌ستی‌ ئه‌ژماركردنه‌وه‌یان بۆ بكرێت، ئه‌وه‌ به‌دڵنیاییه‌وه‌ ژماره‌یه‌كی‌ ده‌نگێكی‌ زۆرمان بۆ ده‌گه‌ڕێته‌وه‌ به‌جۆرێك، ژماره‌ی ده‌نگه‌كانی‌ زیادده‌كات، جگه‌له‌وه‌ش یه‌ك كورسی 21 هه‌زار ده‌نگی‌ پێویستبوه‌ به‌گوێره‌ی‌ سیستمی‌ سانت لیگۆی‌ كارپێكراو".

ئه‌وه‌شی‌ وت:"یه‌كێتی‌ 13 هه‌زار ده‌نگی‌ لێ زیادبوه‌و ئه‌گه‌ر ئه‌و سندوقانه‌ به‌ده‌ستی‌ ئه‌ژماربكرێنه‌وه‌، ژماره‌یه‌ك ده‌نگی‌ دیكه‌ی‌ ده‌چێته‌سه‌ر ده‌نگه‌كه‌یی‌، به‌وپێیه‌ش یه‌كێتیی‌ ژماره‌ی‌ كورسیه‌كانی‌ ده‌گاته‌ دوو كورسی له‌سه‌ر ئاستی‌ پارێزگای‌ نه‌ینه‌وا".

به‌وته‌ی‌ به‌رپرسه‌كه‌ی‌ یه‌كێتیی له‌سنوری‌ نه‌ینه‌وا، "بۆچونه‌كه‌ی‌ دادگای‌ فیدراڵی‌ سه‌باره‌ت به‌ئه‌ژماركردنه‌وه‌ی‌ ده‌نگه‌كان به‌ده‌ست، كاریگه‌ری له‌سه‌ر زیادبونی‌ ژماره‌ی‌ ده‌نگه‌كانی‌ یه‌كێتیی‌ ده‌بێت و ژماره‌ی‌ كورسیه‌كانی‌ یه‌كێتی زیادده‌كات".

 

 

الصفحة 1 من 1275

 

پەیوەندی

بۆ پەیوەندی کردن بە بەرێوەبەرایەتی تۆڕی هەواڵی هەولێر ئەو ئیمێل و ژمارە مۆبایلانەی خوارەوە بەکاربێنە

  • ناونیشنا : عێراق - هەولێر - بەرامبەر نەخۆشخانەی سەنتەری دڵ

  • ئیمێل : عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

  • ماڵپەر :٠٠٩٦٤٧٥٠٤٥٤٧٩٣٧

    ماڵپەر : ٠٠٩٦٤٧٥٠٤٦٦١٧٤٥