بەژداری پێ کردنی هەواڵ لە

FacebookTwitterGoogle BookmarksRSS Feed

دەكرێ هەمووان بەرەیەك پێك بهێنن
Featured

13 حوزەیران 2018

بە خوێندنەوەمان بۆ مێژووی میللەتەكەی خۆمان بۆمان دەردەكەوێ ئەوەندی تاكی كورد لە هەوڵی بەدەست هێنانی ناو ناسنامە بووە، ئەوەندە لە هەوڵی بەدەست هێنانی توانایەكی گەورە نەبووە . واتە ئەوەندی ناونیشانی لا مەبەست بووە وەك میری هەرێمێكی بچوك بێت، بەڵام ئەندامی ئەنجومەنی وڵاتێكی گەورە نەبێت . لە سەردەمی نوێش ئەوەندی حەز دەكات سكرتێر و مەكتەبی سیاسی حزبێكی بچوك بێت، حەزناكات سەركردایەتی و كادیری حزبێكی گەورەی خاوەن توانا و دەسەلات بێت . لەماوەی رابردوو لە منداڵ دانی یەكێتی چەندین حزب و رێكخراو گروپی تازە دروست بوون .هەموویان جگە لە بوونی قەوارەیەكی بچوك هیچی تر دەرنەچوون . لەولاشەوە یەكێتی لاوازتر كرا .
مەبەست لێرە بەرگریكردن نییە لە یەكێتی، بەڵكو بە پێچەوانەوە هۆكاری سەرەكی ئەم هەموو لێكترازانە زۆنی رێبەرایەتی یەكێتی لێی بەرپرسیارە ، لەدوای چەردەیەك لە ژیانی رێكخراوەیی كاك نەوشیروان گەیشتە ئەو راستیەی كەوا كوالیسۆنێكی گەورەتر لەوەی كەوەك گۆڕان لەبەردەستیەتی دروست بكرێ‌ باشترە بۆ ئەوەی هەنگاوی زیاتر بۆ چاكسازی و رێكخستنی سیستەم بنرێ‌ لە كوردستان . هەر ئەمەش بوو وایكرد رێكەوتن لەگەل یەكێتی ئیمزا بكات .
لە مێژوودا وابووە مرۆڤەكان هەمیشە رێكەوتنیان ئاسانترە لەگەڵ ئەو مرۆڤانەی كە خاڵی هاوبەشیان زۆرترە لەگەل یەكتر،بەڵام لە ئێستادا كۆمەلێك بەرپرس لەم منداڵدانەی یەكێتی هاتونەتە مەیدان، ئامادەن لەگەڵ جۆرەها كەسی خاوەن بیروبۆچونی تر هەماهەنگ و هاودیدبن كەچی لەگەڵ یەكتر ناتوانن . ئەمەش نیشانەی ئەوەیە كە سەركردەی كارامە و دوور بین و واقع بین نینە، ئەگەرنا خاڵی ناكۆكی فكری و ئایدیایی لەو نێوانەدا نییە . ئەو هەموو ناو و ناونیشانەی كە هەڵیانگرتووە هەر یەكەی لە قاڵبێكی گەورە هیچ سوودی نییە .
جودابوونەوە لە یەكێتی زۆرجار لەسەر ئەو بەهانەی گوایە یەكێتی زۆر نزیكی پارتیە، كەچی كە جودادەبنەوە یەكێتی لاواز دەكەن خۆشیان بە بچوكی دەچن گفتوگۆ لەگەڵ پارتی دەكەن بۆ وەرگرتنی بەش، ئەمە بە ئاسانی وایكردووە پارتی یەكەم بێت لەولاش ئەوانی تر هیچیان پێ نەكرێ‌ . پارتیش باش دەزانێ بەخۆشی بێت یان بەناخۆشی هەتاكو ئێستا باڵانسی كوردستان لەگەڵ یەكێتی دەتوانرێ‌ رابگیرێ‌ نەوەك ئەوانی تر، بەڵام بێگومان پارتی سوود مەندی یەكەمە . بۆیە هەقە بەرپرسانی هەموو ئەو حزب و گروپانەی كە لە منداڵدانی یەكێتی دەرچوونە لەگەل خودی یەكێتیش خۆی بیر لە بەرەیەك بكەنەوە، لەمەولا بەیەك لیست دابەزن بۆ هەڵبژاردنەكان , میكانیزمێكی گونجاو بدۆزنەوە بۆ كاری هاوبەش تاكو بتوانن دۆخی هەرێم بە ئاڕاستەی باشتر ببەن، ئەگەر نا بەم شێوەی ئێستا جوڵە بكەن هەمیشە مایە پووچ دەبن لە دروشم و ئامانجەكانیان .

 

پەیوەندی

بۆ پەیوەندی کردن بە بەرێوەبەرایەتی تۆڕی هەواڵی هەولێر ئەو ئیمێل و ژمارە مۆبایلانەی خوارەوە بەکاربێنە

  • ناونیشنا : عێراق - هەولێر - بەرامبەر نەخۆشخانەی سەنتەری دڵ

  • ئیمێل : عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

  • ماڵپەر :٠٠٩٦٤٧٥٠٤٥٤٧٩٣٧

    ماڵپەر : ٠٠٩٦٤٧٥٠٤٦٦١٧٤٥