موچه‌ی‌ مانگی‌ شه‌ش گۆڕانكاری لێ ده‌كرێت

أيلول/سبتمبر 12, 2018
گۆڕانكاری له‌خشته‌ی‌ دابه‌شكردنی‌ موچه‌ی‌ مانگی‌ شه‌ش ده‌كرێت
سه‌رباری‌ ئه‌وه‌ی‌ بڕیاربوو ئه‌مڕۆ موچه‌ی‌ مانگی‌ حوزه‌یرانی‌ وه‌زاره‌تی‌ خوێندنی‌ باڵا له‌گه‌ڵ وه‌زاره‌تی‌ كاروباری‌ شه‌هیدان و ئه‌نفالكراواندا دابه‌شبكرێت، به‌ڵام گۆڕانكاری له‌خشته‌ی‌ موچه‌دا كرا، به‌رپرسێكی‌ وه‌زاره‌تی‌ خوێندنی‌ باڵای هه‌رێمیش زانیاری‌ زیاتر له‌وباره‌یه‌وه‌ ئاشكراده‌كات.

 

 

به‌گوێره‌ی‌ زانیارییەکان به‌ دراون تاوه‌كو ئێواره‌ی‌ دوێنێش بڕیاربوو موچه‌ی‌ مانگی‌ حوزه‌یرانی‌ وه‌زاره‌ته‌كانی‌ خوێندنی‌ باڵای هه‌رێم و كه‌سوكاری شه‌هیدان و ئه‌نفالكراوان دابه‌شبكرێت.

له‌و زانیاریانه‌ی‌ پێماندراوه‌، شه‌وی ڕابردوو له‌لایه‌ن بانكی‌ ناوه‌ندی هه‌رێمه‌وه‌ بانكه‌كان ئاگاداركراونه‌ته‌وه‌ ئه‌مڕۆ چوارشه‌ممه‌ 12ی 9ی 2018 ته‌نها موچه‌ی‌ وه‌زاره‌تی‌ كاروباری‌ شه‌هیدان و ئه‌نفالكراوان دابه‌شده‌كرێت و موچه‌ی‌ وه‌زاره‌تی‌ خوێندنی‌ باڵاو توێژینه‌وه‌ی‌ زانستی‌ بخرێته‌ سبه‌ینێ پێنجشه‌ممه‌ 13ی‌ 9ی‌ 2018.

له‌وباره‌یه‌وه‌ عه‌باس ئه‌كره‌م وته‌بێژی‌ وه‌زاره‌تی‌ خوێندنی‌  هه‌واڵه‌كه‌ی‌ پشتڕاستكرده‌وه‌و ڕایگه‌یاند، "به‌گوێره‌ی‌ ئه‌و خشته‌یه‌ی‌ پێشتر ئاماده‌كرابوو ده‌بوو ئه‌مڕۆ موچه‌ی‌ مانگی‌ شه‌شمان پێبدرێت، به‌ڵام موچه‌ی‌ وه‌زاره‌تی‌ خوێندنی‌ باڵا خراوه‌ته‌ سبه‌ینێ پێنجشه‌ممه‌و هه‌ربۆیه‌ ئه‌مڕۆ موچه‌مان پێنادرێت".