تۆنی بلێر: دیارنەمانی خاشقچی جێی نیگەرانییەکی زۆرە

تشرين1/أكتوير 11, 2018

سەرۆک وەزیری پێشووی بەڕیتانیا تۆنی بلێر وتی دیارنەمانی ڕۆژنامەنووسی سعودی جەمال خاشقچی جێی نیگەرانییەکی زۆرە و لەگەڵ ئەو چاکسازییانەدا یەک ناگرێتەوە کە شازادەی جێگرەوەی سعودیە ئەمیر محەمەد بن سەلمان پشتیوانیان لێدەکات.

تۆنی بلێر لە کۆڕبەندی " ڕۆیتەرز نیوز مەیکەر " دا لە لەندەن وتی " هیچ گومانێک لەوەدا نیە کە ڕەوشەکە جێی نیگەرانییەکی زۆرە وەکو چۆن حکومەتی ئەمەریکا و بەڕیتانیا ڕوونیان کردۆتەوە."

وتیشی " دەزانم حکومەتی سعودیە بە بەهێزییەوە ڕەتیان کردەوە هۆکاری دیارنەمانی خاشقچی بن، بەڵام دەبێت وەکو خۆی لێکۆڵینەوە لە بابەتەکە بکرێت و ڕوون بکرێتەوە."

هەروەها وتی " دەبێت دۆسییەکە چارەسەر بکرێت ئەگەر نا بە تەواوەتی لەگەڵ پڕۆسەی نوێبوونەوەدا یەک ناگرێتەوە."